خبر بفلوس
شركة طاقة عربية، واحدة من الشركات التابعة لشركة القلعة القابضة، بدأت تشغل أكبر محطة طاقة شمسية في شرم الشيخ بطاقة إجمالية 20 ميجاوات، ودة قبل أسابيع بس من قمة المناخ COP27 اللي هتنعقد في نفس المدينة.
أصل الموضوع
تكلفة المشروع كانت 250 مليون جنيه، وهيكون عنده القدرة على تخفيض انبعاثات الكربون بحجم 500 ألف طن، خلال الفترة المتوقعة لتشغيله، واللي بتوصل لـ 25 سنة.
ومن المقرر إن المشروع يوفر الطاقة لمنطقة خليج نبق في شرم الشيخ، وهيخلي 30% من الطاقة المستخدمة هناك، تكون طاقة نظيفة.
ليه دة مهم
المشروع دة جزء من خطة أكبر بتشتغل عليها شركة طاقة عربية، ومنها إنشاء محطات لشحن السيارات الكهربية، بالإضافة لمحطات الغاز الطبيعي المضغوط، واللي بيستخدم في حالات كتيرة كبديل للبترول.
