خبر بفلوس
عمر عبد العزيز، الرئيس التنفيذي لشركة راية فودز، قال إن الشركة بتستهدف حجم مبيعات 1 مليار جنيه في 2023، بالإضافة لإنشاء مجمع صناعي غذائي.
مين هي راية فودز؟
هي شركة تابعة لشركة راية القابضة للاستثمارات المالية، وتم تأسيسها بشكل خاص لتصدير الأغذية المجمدة للخارج.
أصل الموضوع
حجم صادرات “راية فودز” الحالي هو 700 مليون جنيه، والشركة كمان بتستعد لدخول السوق البرازيلي، بالإضافة لطرح منتجات جديدة زي البصل والمشمش.
“عبد العزيز” قال كمان إن راية القابضة بتخطط لتأسيس مجمع صناعي غذائي باستثمارات متوقع إنها توصل لـ 500 مليون جنيه، ودة هيتم تنفيذه على مراحل في السنين الجاية، ومن المتوقع إنه يضم عدد من المصانع.
ليه دة مهم
شركة راية فودز تم تأسيسها بشكل خاص علشان تكون مصدر للعملة الأجنبية للشركة الأم، ودة اللي حصل فعلاً لما الشركة بقت المصدر الرئيسي للعملة الصعبة لراية القابضة، دة حسب تصريحات الرئيس التنفيذي لراية فودز.
