خبر بفلوس
بحسب مصادر، انسحبت شركة سايباد من خطتها للاستحواذ على شركة باكين، دة بسبب طول فترة الإجراءات، والتأخير في الوصول لقرار حاسم بخصوص أرض القبة.
في الخلفية
شركة سايباد كانت مقدمة عرض للاستحواذ على ما يصل لـ 90% من باكين، بقيمة تتراوح ما بين 16.5 و 18.75 جنيه للسهم، وكانت في تنافس مع شركة سايبس، اللي كانت عارضة من 17.5 لـ 18.5 جنيه للسهم.
باكين كمان كانت بتحاول ترفع الأسعار المعروضة عليها من خلال التفاوض من مقدمي العروض على سعر الأرض اللي بتمتلكها في منطقة القبة.
أصل الموضوع
المصادر قالت إن تأخير السماح للشركات اللي مقدمة العروض بالبدء في الفحص النافي للجهالة، وتعثر المفاوضات الخاصة بأرض القبة، كانت من أهم العوامل اللي جعلت سايباد تنسحب من المنافسة.
رد بالكين
باكين قالت في بيان ليها إنه الشركة لم يصلها أي شئ رسمي بخصوص الموضوع دة.
ليه دة مهم
أكبر المساهمين في باكين صرح قبل كدة بنية بيع الشركة، لكن قال إن الأسعار المقدمة لا تعكس قيمتها.
