خبر بفلوس
خلال الفترة اللي جاية، ومع اقتراب اتفاق مصر مع صندوق النقد الدولي، ممكن نشوف انخفاض يوصل لـ 14% في قيمة الجنيه، ودة مع وجود علامات على كدة.
إيه اللي بيحصل للجنيه؟
في الفترة الأخيرة، وخاصةً بعد ما صندوق النقد الدولي أعلن إنه بيتوقع الوصول مع مصر لاتفاق على مستوى الخبراء قريب، لقينا الجنيه بيتم تداوله من خلال العقود الآجلة غير القابلة للتسليم بقيمة توصل لـ 22.9 جنيه للدولار.
ليه دة مهم
المحللين بيقولوا إن الفترة دي هتبدأ الوتيرة السريعة لانخفاض الجنيه، واللي تعتبر خطوة مهمة للحصول على موافقة صندوق النقد الدولي بالقرض المطلوب.
ودلوقتي؟
بلومبرج إيكونوميكس قالت إن الجنيه محتاج يوصل لـ 24.6 قصاد الدولار، علشان يكون العجز التجاري في مستوى معقول.
