خبر بفلوس
في الفترة الأخيرة، ظهرت أزمة في سوق الفراخ، بعد ما أزمة الاستيراد أثرت على أعلاف الدواجن، الأزمة دي جعلت في اهتمام لمعرفة أثرها على شركات الدواجن في البورصة.
القاهرة للدواجن
الشركة قالت إن صعب جدًا تحديد آثار الأزمة خلال الوقت الحالي، دة بسبب طول فترة تربية الدواجن، وإن العوامل المستخدمة لتصنيع الأعلاف متداخلة بشكل كبير.
علشان كدة الشركة قالت إن تأثير الأزمة هيظهر في نتايج الربع الأخير من 2022.
المنصورة للدواجن
الشركة قالت إنها قادرة على تصنع العلف الخاص بيها، ودة اللي بيقلل من تأثير الأزمة عليها، ولكنها بتعاني من ارتفاع تكلفة التشغيل اللي نتجت عن ارتفاع أسعار الذرة والصويا.
المنصورة للدواجن وضحت كمان إنها لسة بتحسب تأثير أزمة، اللي هتظهر آثارهارالنهائية في نتايج أعمال الربع الأخير.
ليه دة مهم
مصر بتستورد حوالي 75% من أعلاف الدواجن، و25% بيتم تصنيعه محليًا.
ودلوقتي؟
رئيس الوزراء اجتمع مع وزير الزراعة وأعضاء اتحاد منتجي الدواجن، لبحث حل المشكلة دي.
