خبر بفلوس
شركة فاليو استحوذت، واحدة من شركات المجموعة المالية، على حصة أقلية في الشركة الناشئة “كيوي”.
مين هي “كيوي”؟
كيوي هو تطبيق دفع الكتروني بيوفر إمكانية تحويل الفلوس، ومتابعة الإنفاق، وبيساعد كمان في الوصول لحجم الإدخار المطلوب.
ليه دة مهم
فاليو قالت إن الخطوة دي بتعكس اهتمامها بتقديم حلول تمويلية مبتكرة تخدم احتياجات عملاءها المختلفين، وكمان بتأكد حرصها على توسيع قاعدة عملاءها.
ودلوقتي؟
كيوي هتستفيد من الاستثمار دة فإنها تطور خطتها للنمو أكتر، عن طريق التوسع في المنتجات “لشريحة الشباب غير المتعاملين مع البنوك”.
