خبر بفلوس
شركة أوراسكوم للتنمية تقريبًا بتميل للموافقة على العرض المقدم من سوديك، علشان تستحوذ على 100% من شركتها التابعة “أوراسكوم العقارية”، دة بحسب بعض المصادر.
ليه؟
نموذج الأعمال للشركتين متشابه جدًا من حيث فئة العملاء المستهدفين والأسعار، دة بالإضافة لإن مشروعات الشركتين قريبين من بعض في المكان. كل الأسباب دي كانت دافع لسوديك إنها تقدم العرض دة، وبتخلي أوراسكوم أقرب للموافقة.
ليه دة مهم
صفقة الاستحواذ لو تمت، هتشكل كيان عقاري ضخم، وخاصةً في منطقة غرب القاهرة.
ودلوقتي؟
شركة الدار، المالكة لسوديك، بتستهدف حاليًا الاستحواذ على شركات ذات مشروعات على أرض الواقع، قبل ما تنتقل للاستحواذ على الأراضي غير المطورة.
