خبر بفلوس
شركة سوديك أعلنت عن زيادة أرباحها في الربع الثالث 2022 بنسبة 19% على أساس سنوي ووصولها لـ 142 مليون جنيه.
أصل الموضوع
زيادة الأرباح كانت انعكاس لزيادة الإيرادات خلال نفس الفترة بنسبة 33%، علشان توصل لـ 1.92 مليار جنيه.
أسباب الأرباح
الشركة قالت إنه خلال الـ 9 شهور الأولى من السنة، كان في قفزة في المبيعات المتعاقد عليها بنسبة 119% على أساس سنوي، ودة اللي اترجم لزيادة في الإيرادات وبالتالي الأرباح.
الشركة كمان قالت إن من أهم أسباب زيادة المبيعات هو الطلب الكبير على مشروع June في الساحل الشمالي.
معلومة كلابس
في الشركات العقارية، المبيعات ≠ الإيرادات، دة لإن المبيعات بتتسجل مع توقيع عقد الوحدة، لكن الإيرادات بيتم تسجيلها بعد تسليم الوحدات أو تنفيذ نسبة من المشروع، فالإيرادات تعتبر مبيعات قديمة.
لازم تعرف
سوديك بتحاول تستحوذ على شركة تانية في مجال التطوير العقاري، فكانت أول محاولة مع مدينة نصر ولكنها رفضت، وحايًا الشركة عارضة الاستحواذ على أوراسكوم العقارية.
لبيان أرباح سوديك كاملًا، إضغط هنا.
