خبر بفلوس
وقعت شركة “فاليو” و”بنك الاستثمار العربي”، المملوكين للمجموعة المالية هيرميس، اتفاقية تعاون مع الشركة الناشئة “سليندر”.
مين هي سليندر؟
هي شركة متخصصة في مجال التجارة الإلكترونية للسيارات المستعملة.
إيه هي الاتفاقية؟
من خلال الاتفاقية دي، عملاء شركة سليندر، اللي بيشتروا عربيات مستعملة، هيستفيدوا من برامج تقسيط سهلة هتوفرها “فاليو”، وهتكون بتتراوح ما بين 6 لـ 60 شهر.
مشتري العربيات المستعملة من خلال “سليندر”، هيقدروا يستفيدوا بقروض من “بنك الاستثمار العربي”، وهتكون بخطط سداد سهلة والموافقة عليها هتكون سريعة.
ليه دة مهم
شركة “فاليو” بتحاول باستمرار إنها توسع قاعدة عملاءها، وإنها تستهدف فئات جديدة من العملاء، دة شفناه لما “فاليو” وقعت اتفاقية مع المصرية للاتصالات، والشركة الناشئة “كيوي”.
