خبر بفلوس
شركة حديد عز قالت إنه انخفاض قيمة الجنيه، متوقع إنه يأدي لخساير بقيمة 2.2 مليار جنيه خلال النص التاني من 2022.
أصل الموضوع
الشركة قالت إن الخساير دي، هتخلي إجمالي خسائر الشركة خلال 2022 توصل لـ 3.3 مليار جنيه.
الشركة قالت إن السبب في الخساير دي هي التزامات الشركة بالعملة الأجنبية، واللي زادت الفترة الأخيرة نتيجة التكلفة الكبيرة لتغطية عمليات الاستيراد بالدولار.
ليه دة مهم
في 1.9 مليار جنيه، من الـ 2.2 مليار جنيه المتوقع حديد عز تخسرها من فروق العملة، جاي من شركة العز الدخيلة، التابعة ليها.
ودلوقتي؟
المحللين بيقولوا إنهم متوقعين إن حديد عز تحقق أرباح السنة دي، بالرغم من خساير العملة.
