خبر بفلوس
بنك الاستثمار العربي، التابع للمجموعة المالية هيرميس، أعلن إنه خلال الشهر دة، هيقدم منتج جديد خاص بالمشروعات الصغيرة والمتوسطة، ضمن حملة كبيرة للتوعية بكل منتجاته.
تفاصيل
المنتج الجديد دة قيمته ممكن توصل لـ 10 مليون جنيه، وبفترة سداد توصل لـ 5 سنين، بالإضافة لتسريع الحصول على الموافقات اللازمة، واللي هتاخد 4 أيام بس.
ليه دة مهم
التسهيلات التمويلية دي متماشية مع توجيهات الحكومة والبنك المركزي، لدعم المشروعات الصغيرة والمتوسطة.
الحملة كمان بتعتبر جزء من استراتيجية البنك التوسعية، واللي بتهدف تعزيز الأنشطة اللي بتحرك نمو الاقتصاد.
