خبر بفلوس
أوراسكوم كونستراكشون قالت إن شركتها التابعة أوراسكوم للإنشاءات، تعاقدت مع COBOD الدنماركية، علشان تقدم خدمات الطباعة ثلاثية الأبعاد في الإنشاءات المصرية.
يعني إيه؟
الطباعة الثلاثية الأبعاد هي الإعتماد على الكمبيوتر لصناعة مجسمات ذات أبعاد ثلاثية، ودة ممكن يوصل لحد طباعة مباني كاملة في عالم الإنشاءات.
أصل الموضوع
أوراسكوم كونستراكشون قالت إن التحالف هيركز بشكل رئيسي على: تنفيذ المشروع، مبيعات المعدات، التشغيل والصناعة.
ليه دة مهم
بيان الشركة قال إن التكنولوجيا الجديدة دي هترفع كفاءة الإنشاء من حيث التكلفة والوقت مقارنةً بالطرق التقليدية وبالإضافة لكدة، التكنولوجيا دي بتكون أكتر استدامة بيئيًا، علشان بتقلل من استهلاك الموارد.
