خبر بفلوس
أكتوبر 2022، شهد تسجيل مؤشر مديري المشتريات 47.7 نقطة، مرتفعًا عن المستوى اللي سجله في سبتمبر 2022 وهو 47.6 نقطة.
دة يعني إيه؟
بالرغم من الارتفاع الضئيل، لسة أقل من 50 نقطة، واللي بتعتبر الحد اللي بيفصل ما بين النمو والانكماش في القطاع الخاص غير النفطي.
أصل الموضوع
تقرير المؤشر اللي بتصدره S&P Global قال إن الشركات ما زالت تواجه ضغوط تضخمية، بالإضافة لانخفاض إنفاق العملاء.
التقرير وضح كمان إن أزمة الاستيراد أدت لاضطراب في اقتصاد القطاع الخاص، ودة بسبب الصعوبة اللي الشركات واجهتها في الحصول على مستلزمات الإنتاج، وبالتالي أدي إلى نقص الإنتاج.
ليه دة مهم
بالرغم من إن المؤشر لسة أقل من 50 نقطة، إلا إن المستوي المسجل في أكتوبر 2022 يعتبر أعلى مستوى منذ شهر فبراير من نفس السنة.
