خبر بفلوس
شركة السويدي إليكتريك عايزة تتقدم بعطاءها في مشروع محطة تحلية المياه اللي الدولة هتنفذه، ودة هيكون بمشاركة تحالف دولي في نهاية الشهر الجاري.
نموذج عمل المشروع؟
المهندس أحمد السويدي، العضو المنتدب للسويدي إليكتريك، إن الحكومة مش هتتحمل تكلفة إنشاءها، ولكن هتخلي القطاع الخاص هو اللي ينفذ ويشغل المشروع مقابل بيع المياه للحكومة لمدة 20 سنة.
“السويدي” أضاف كمان إن مشروعات محطات تحلية المياه هيخلي الشركة تكون محتاجة تمويل طويل الأجل، دة لإن المشروع هيستمر لمدة طويلة.
ليه دة مهم
مشروع الحكومة لتحلية المياه هو محاولة منها لإيجاد مصدر تاني للمياه خاصةً مع مشاكل تغير المناخ والتصحر.
