خبر بفلوس
شركة باكين أعلنت عن تلقيها عرض استحواذ جديد من شركة “الأصباغ الوطنية” الإماراتية، علشان يكون عرض الاستحواذ الثالث اللي تتلقاه الشركة في 2022.
أصل الموضوع
العرض الجديد بيستهدف 100% من أسهم باكين، وبسعر مبدئي 29 جنيه للسهم، ولكن السعر النهائي هيتم تحديده بعد إجراء الفحص النافي للجهالة.
الصفقة دي تعتبر من ضمن الخطة التوسعية اللي “الأصباغ الوطنية” عايزة تقوم بيها في مصر، بحسب بيان باكين.
لازم تعرف
العرض دة يعتبر أعلى عرض تلقته شركة باكين لحد دلوقتي، بعد عرض شركة سايباد اللي كان عايز يشتري سهم باكين في حدود 16.5 – 18.75 جنيه، وشركة سايبس اللي بتستهدف 17.5- 18.5 جنيه للسهم الواحد.
ودلوقتي؟
كان في مصادر بتقول إن شركة سايباد انسحبت من المنافسة على باكين لأسباب تخص طول الإجراءات.
ليه دة مهم
بيع شركة باكين هو من ضمن خطة الحكومة للتخارج، عن طريق بيع بعض الأصول، وإشراك القطاع الخاص.
