خبر بفلوس
حاليًا بيحصل إندماج بين 3 شركات مدرجة وشركتين غير مدرجين، هيبقوا في شركة واحدة وهي “المصريين للإسكان والتعمير”، فإيه اللي بيحصل بالظبط، وايه تأثيره عليك كمستثمر.
في الخلفية
المصريين للإسكان والتعمير كانت أعلنت في سبتمبر عن إندماج 5 شركات فيها، وهم:
1- إميرالد للإستثمار العقاري
2- أودن للإستثمار والتنمية
3- إميرالد للتطوير وإدارة المشروعات
4- إيدج للتطوير وإدارة المشروعات
5- أودن للإستثمار والتسويق العقاري
أصل الموضوع
الشركات المندمجة المقيدة في البورصة بالإضافة لشركة المصريين للإسكان، الشركة الدامجة، طالبوا بوقف التداول على أسهمهم، اعتبارًا من نهاية جلسة أمس الأربعاء.
دة علشان يتم تحديد قيمة الحق في أسهم الكيان الجديد، اللي هتعمله المصريين للإسكان بعد الاندماج.
ليه دة مهم
لو انت مستثمر في واحدة من الشركات المندمجة، هيكون ليك أسهم في راس مال المصريين للإسكان بعد الإندماج.
لو انت مستثمر في الشركة الدامجة، فانت أسهمك هتتأثر بالزيادة بعد الإندماج.
ودلوقتي؟
المصريين للإسكان قالت إنه بحلول الخميس، 10 نوفمبر 2022، هيتم الإنتهاء من إجراءات شطب قيد الشركات المندمجة في البورصة، دة بالإضافة لتحويل كل أصول والتزامات الشركات دي، للشركة الدامجة “المصريين للإسكان”.
