خبر بفلوس
مصر حاليًا بتواجه فجوة في التمويل الخارجي بتوصل لـ 16 مليار دولار على مدار 4 سنين، لكن الحكومة بتقول إنها هتقدر تغطي الفجوة دي، وتأمن احتياجاتها بالكامل.
تفاصيل
وزير المالية محمد معيط، قال إن القرض اللي مصر أخدته من صندوق النقد الدولي، هيقدر يوفر لمصر فرص تمويلية تانية من الخارج، بسبب رجوع الثقة للمستثمرين.
مصر بتحاول تتعامل مع الأزمة الاقتصادية عن طريق تنويع مصادر تمويلها، زي السندات اليابانية والصينية والصكوك.
ليه دة مهم
وزير المالية قال إنه بعد انخفاض قيمة الجنيه والوصول مع صندوق النقد لاتفاق، ظهرت تدفقات كبيرة للاستثمارات في سوق الدين المحلي.
ودلوقتي؟
“معيط” أضاف إنه لازم نتعلم الدرس، ونعرف إن الأموال اللي جاية من السندات والدين مش هي المطلوبة، ويجب التركيز أكتر على الاستثمار الأجنبي المباشر وتنمية الصادرات.
