خبر بفلوس
هاني برزي، رئيس مجلس إدارة شركة إيديتا، قال إن شركته معندهاش أي شحنات متأخرة في الموانئ.
أصل الموضوع
“برزي” قال إن إيديتا موقعتش أي تعاقدات جديدة لاستيراد مواد خام، دة علشان الوضع المستقر والآمن لمخزونها من المواد اللازمة للإنتاج.
ليه دة مهم
بشكل عام، عملية استيراد المواد الخام تحسنت بشكل كبير بعد قرار خفض قيمة الجنيه ولكن يظل توافر العملة الأجنبية غير متاح بشكل كبير لحد دلوقتي.
ودلوقتي؟
“برزي”، واللي في نفس الوقت بيكون رئيس المجلس التصديري للصناعات الغذائية، بيقول إن مخزون المصانع من المواد الخام بيشهد انخفاض في الوقت الحالي، وإنه الحل يكمن في توافر الدولار في السوق، وفتح الاعتمادات المستندية.
