خبر بفلوس
المصرية للاتصالات أعلنت عن زيادة صافي أرباحها خلال الـ 9 شهور الأولى من 2022، بنسبة 1% على أساس سنوي، لتسجل 6.17 مليار جنيه.
أصل الموضوع
الشركة قالت إن الأرباح اللي اتسجلت بتعكس قوة الأداء المالي للشركة، خاصة مع ارتفاع إيرادتها بنسبة 22% على أساس سنوي، لتصل لـ 32.3 مليار جنيه.
ليه دة مهم
الرئيس التنفيذي للشركة قال إن الطلب المرتفع على خدمة البيانات محليًا ودوليًا هو الدافع الرئيسي ورا الإيرادات اللي حققتها الشركة، ودة علشان لوحدها مثلت 39% من الإيرادات.
ودلوقتي؟
الشركة قالت إنه بالرغم من الضغوط التضخمية اللي زودت تكاليف الشركة، إلا إنها واثقة من تطوير التدفقات النقدية عن طريق زيادة الإيرادات بالعملة الأجنبية وترشيد الإنفاق على الاستثمارات.
