خبر بفلوس
كشفت المجموعة المالية هيرميس عن انخفاض حجم أرباحها خلال الـ 9 شهور الأولي من 2022 بنسبة 3% على أساس سنوي، لتسجل 1.02 مليار جنيه.
أصل الموضوع
لو جينا للإيرادات، هنكتشف إنها ارتفعت خلال نفس الفترة بنسبة 56% على أساس سنوي، ووصلت لـ 6.3 مليار جنيه، والسبب الرئيسي لكدة، كانت إيرادات بنك الاستثمار العربي، التابع للمجموعة، واللي وصلت لـ 1.6 مليار جنيه.
مصروفات التشغيل اللي بتدفعها الشركة زادت بنسبة 64% على أساس سنوي، دة نتيجة رفع مرتبات الموظفين في قطاع بنك الاستثمار، بسبب التضخم، وزيادة المصاريف الإدارية بشكل عام.
ليه دة مهم
لو بصينا على أرباح الشركة قبل الضرايب، فهنلاقيها زادت بنسبة 43% على أساس سنوي، وعلشان كدة الشركة قالت إن إرتفاع الضرايب كان من أسباب انخفاض صافي ربحها.
