خبر بفلوس
سجلت شركة كونتكت زيادة بسيطة في صافي أرباحها خلال أول 9 شهور من السنة بنسبة 1.7% على أساس سنوي، لتصل إلى 336.2 مليون جنيه، ودة اللي أرجعته لارتفاع الأرباح من نشاطي التمويل والتأمين.
نشاط التمويل
حجم التمويلات والقروض الجديدة ارتفع بنسبة 62% على أٍساس سنوي، لتسجل 8.3 مليار جنيه، ودة اللي الشركة أرجعته للتوسع في منتجاتها الحالية، وإطلاق منتجات جديدة، ودة اللي خلى صافي الأرباح من النشاط دة تزيد 2%.
نشاط التأمين
الشركة قالت إن نجاح شركتين التأمين التابعتين ليها، انعكس في زيادة أرباحها من النشاط دة بنسبة 39% على أساس سنوي، وكمان زيادة الأقساط التأمينية اللي بتستقبلها الشركة من عملاءها بنسبة 92%.
ليه دة مهم
النمو في النشاط التمويلي كان بسبب ارتفاع الطلب على منتجات التمويل الاستهلاكي، والتمويل العقاري، وتمويل سيارات الركوب، بالرغم من الأزمة في سوق السيارات.
ودلوقتي؟
الشركة قالت إنه خلال الفترة الجاية هتتوسع في الأسواق الحالية والجديدة، والشركة كمان بتسعى للتقديم منتجات التمويل المقبل خلال الشهر القادم.
