خبر بفلوس
منة الله شمس الدين، مديرة علاقات المستثمرين في إيديتا، قالت إن الشركة استثمرت حوالي 300 مليون جنيه من بداية السنة لتنفيذ خطتها التوسعية.
أًصل الموضوع
“شمس الدين” قالت إنه جزء من الاستثمارات دي تم اتوجه لشراء خط إنتاج في المغرب، وواحد تاني في مدينة 6 أكتوبر.
إيديتا كمان عملت زيادة في تسعير منتجاتها خلال الـ 9 شهور الأولى من السنة، بنسبة 40% تقريبًا.
ليه دة مهم
إيديتا زودت أسعارها بسبب ارتفاع التكلفة، وخصوصًا إنها بتستورد 20% من مستلزمات إنتاجها من الخارج.
ودلوقتي؟
خلال الفترة الجاية، إيديتا بتخطط لرفع طاقتها الإنتاجية خلال الفترة المقبلة، سواء بإضافة خطوط إنتاج جديدة أو تطوير الخطوط الموجودة، دة بالإضافة لدراسة إذا كان ما هيتم رفع الأسعار مرة تانية أو لا.
