خبر بفلوس
يستهدف الصندوق السيادي القطري الاستحواذ على حصة في شركة الصناعات الكيماوية “كيما”، بحسب مصادر للمال.
أصل الموضوع
المصادر أضافت إن في مفاوضات دلوقتي بخصوص الصفقة، ولكن الموضوع موصلش لحد تقديم عرض رسمي، ودة اللي أكدته شركة “كيما” المملوكة للدولة، واللي قالت وإن المفاوضات ممكن تكون بتتم فوق إدارة الشركة، بين البلدين.
ليه دة مهم
بلومبرج كانت قالت إن السيادي القطري أودع مليار دولار في البنك المركزي، كجزء من صفقات الاستحواذ المحتملة اللي هيقوم بيها الصندوق.
ودلوقتي؟
في قايمة بأكتر من شركة انتشرت حوليها أخبار، بنية السيادي القطري الاستحواذ على جزء منها، زي الشرقية للدخان، والإسكندرية لتداول الحاويات، بالإضافة لحصة في فودافون مصر.
