خبر بفلوس
وزارة التموين أعلنت إن التداول في البورصة السلعية هيبدأ يوم الأحد المقبل، والقمح هيكون أول سلعة لبداية عمليات التداول.
لازم تعرف
الغرض من البورصة السلعية هو جمع السلع في سوق كبيرة، ودة اللي هيخلي في استقرار أكبر في أسعار السلع، دة لإنها هتكون متوفرة لعمليات الطلب المختلفة.
أصل الموضوع
الهيئة العامة للسلع التموينية قالت إنها هتطرح كميات قمح من مخزونها من القمح المستورد، علشان المطاحن الخاصة تقدر تشتريها من البورصة السلعية.
سوق السلع في مصر هتكون “سوق حاضرة”، ودة معناه إن السلع هيتم بيعها وشراءها بأسعار السوق الحالية، ومش هيكون في فرصة للمضاربات على أسعار السلع في المستقبل.
ليه دة مهم
وزارة التموين قالت إن الهدف الرئيسي من إطلاق البورصة السلعية هو ضبط واستقرار أسعار السلع، وخاصةً القمح.
ودلوقتي؟
رئيس البورصة السلعية، إبراهيم عشماوي، قال إن في منتجات تانية هتكون متاحة في البورصة السلعية زي: القطن، الزيت، الرز، والذهب.
