خبر بفلوس
الإسبوع اللي فات، الحكومة قررت إن البنك المركزي يوقف دعمه للمبادرات التمويلية “ذات الفائدة المنخفضة” اللي كان بيقدمها، ودة اللي خلى في اعتراضات كتيرة في قطاعات الأعمال المختلفة.
أصل الموضوع
العديد من الشركات حديثة التأسيس بتعتمد على القروض المدعومة، ولو اتوقفت هيكون وضعها المالي سيئ.
ليه دة مهم
بحسب رئيس جمعية رجال الأعمال، فشركات القطاعات الصناعي والزراعي الناشئة اللي بتركز على التصدير، هيكونوا من أكبر المتأثرين بالقرار دة، لإنه هيأدي لخفض استثماراتهم الصناعية، وتسريح العمالة.
ودلوقتي؟
هيكون في اجتماع بين اللجان الصناعية، الزراعية والصناعية التابعة لجمعية رجال الأعمال، وهيكتبوا رد مفصل على القرار دة، وهيبعتوه للمجلس الأعلى للاستثمار.
