خبر بفلوس
الحكومة بتشتغل دلوقتي على تأسيس شركة لاستثمار فلوس المصريين في الخارج، من خلال ضخها في مشروعات داخل مصر.
أصل الموضوع
سها جندي، وزيرة الهجرة، قالت إن الشركة اللي هيتم تأسيسها، هتكون مدرجة في البورصة، والاستثمار فيها من المغتربين هيكون إما عن طريق شراء الأسهم، أو الدخول مباشرةً في الاستثمارات الخاصة بها.
ليه دة مهم
الهدف من الشركة دي هو ضخ أموال المغتربين في المشروعات القومية، واللي بتحقق أرباح كبيرة.
بالإضافة لكدة، فالحكومة بتحاول تجذب مدخرات المصريين في الخارج وتأمن عملة صعبة، ودة اللي ظهر في مبادرات عملتها الحكومة زي مبادرة استيراد العربيات للمصريين بالخارج وطرح وحدات سكنية لهم.
ودلوقتي؟
وزيرة الهجرة قالت إن تأسيس الشركة متوقع يكون في 2023.
