خبر بفلوس
بحسب الشرق، فأزمة الدولار رجعت تاني تأثر على عملية الاستيراد، ودة اللي خلى عدد من البنوك تتوقف عن فتح اعتمادات مستندية أو مستندات تحصيل جديدة للمستوردين.
في الخلفية
أزمة الاستيراد موجودة بشكل كبير خلال الفترة اللي فاتت.
أصل الموضوع
بحسب عضو الشعبة العامة للمستوردين، فعملية الاستيراد مش واقفة بشكل كلي، ولكنها بطيئة جدًا بسبب نقص الدولار.
ليه دة مهم
بحسب تصريح مسؤول في واحد من البنوك الحكومية، فالعملة الصعبة المتوفرة في البنوك متقدرش تغطي كل طلبات الاستيراد حاليًا.
ودلوقتي؟
من المفترض إن حزمة المساعدات اللي مصر حصلت عليها بإجمالي 9 مليار دولار، تساهم في توفير الاستثمار والنقد الأجنبي بصورة أكبر.
