خبر بفلوس
شركة إي فاينانس بتشتغل دلوقتي على تنفيذ خطة كبير للتوسع سواء بخصوص المنتجات اللي بتقدمها لعملاءها، أو التوسع الجغرافي لأسواق في أفريقيا.
أصل الموضوع
رئيس مجلس إدارة الشركة، إبراهيم سرحان، قال إن إي فاينانس انفقت 390 مليون جنيه من زيادة راس المال اللي الشركة عملتها في ديسمبر 2021، واللي كانت بقيمة 2.4 مليار جنيه، علشان تطور أكتر البنية التحتية لشركتها E-health
إي فاينانس كمان بتركز على إنها تفتح أسواق أكتر في الخارج وخاصةً في أفريقيا، ونتيجة لكدة الشركة أطلقت قطاع مختص بالتوسع في الأسواق الخارجية.
ليه دة مهم
دخول أسواق جديدة هيكون عن طريق القيام بشراكات استراتيجية، أو الاستحواذ على كيانات قائمة بالفعل، والفرص دي هتزود العائد لمساهمي الشركة بشكل كبير.
ودلوقتي؟
حاليًا الشركة مستنية رخصة من البنك المركزي، تسمح لها بتأسيس البنوك الرقمية، والنوع دة من البنوك بيتيح التعامل مع العملاء بشكل رقمي، وبدون الحاجة لأي أوراق أو الذهاب لمكتب أو فرع.
