خبر بفلوس
شركة فوري بتخطط لبدء عملياتها في الكويت، اللي بتمثل التوسع العربي التاني ليها، دة بالإضافة لخطة كبيرة للاستثمار بالشركات الناشئة.
أصل الموضوع
أشرف صبري، المؤسس والرئيس التنفيذي لفوري، قال إنه بيتم دلوقتي إنهاء الإجراءات القانونية الخاصة لتفعيل خدمة الشركة هناك.
فوري كمان قالت إنها استحوذت على 50% من شركة “دراك” المتخصصة في حلول مرتبات الأفراد.
ليه دة مهم
“صبري” قال إن وجود استثمارات جديدة في السوق بشكل عام، وتنفيذ عمليات إندماج أو بيع هيساعد في زيادة رؤوس أموال الشركات، وبالتالي تحقيق عائد مرتفع.
ودلوقتي؟
من غير المتوقع طرح فوي في بورصة ناسداك الأمريكية قريب، بسبب الأزمة الاقتصادية اللي بتمر بيها الأسواق العالمية.
