خبر بفلوس
من أيام، السعودية كانت جددت وديعتها في البنك المركزي بقيمة 5 مليار دولار لسنة تانية، والمحللين بيقولوا إن الخطوة دي هتفيد مصر بشكل كبير في المستقبل.
أصل الموضوع
الوديعة السعودية هتساعد في تخفيف احتياجات مصر من التمويل المطلوب خلال السنة اللي جاية، واللي إجمالي قيمته بتوصل لـ 35 مليار دولار.
ليه دة مهم
بالرغم من تخفيض النظرة المستقبلية للاقتصاد المصري، واللي عادةً ما بيسبب ارتفاع تكلفة التمويل، إلا إنه تم تجديد الوديعة السعودية بنفس الشروط اللي كانت موجودة في وقت الإيداع لأول مرة.
ودلوقتي؟
المحللين بيقولوا إن أهم مساعدة يمكن الحصول عليها من الدول الخليجية، هي الصبر على سداد مديوناتهم والاكتفاء بالفوائد على القرض فقط.
