خبر بفلوس
البورصة وافقت على القيد المؤقت لشركة بورسعيد لتداول الحاويات براس مال 164 مليون جنيه، في خطوة أولية قبل طرح حصة منها في البورصة.
أصل الموضوع
رامي الدكاني، رئيس البورصة المصرية، قال إن العمل على طروحات جديدة بيتم بالتزامن مع القيام بجولة ترويجية كبيرة في منطقة الخليج لجذب المستثمرين.
ليه دة مهم
قيد الشركة دي هو جزء من خطة أكبر للبورصة المصرية لجذب الشركات الكبرى لزيادة راس المال السوقي، وهيتم التركيز على قطاعات معينة.
بالإضافة لكدة، ففي قايمة بشركات نقل حكومية تانية متوقع إن يتطرح جزء منها سواء في البورصة المصرية أو بورصة النيل للشركات الصغيرة والمتوسطة.
ودلوقتي؟
الشركة دلوقتي عندها 6 شهور علشان تكمل إجراءات القيد ليتم إدراجها بشكل كامل في البورصة، ولا يجوز تداول أسهم الشركة خلال الفترة دي إلا بموافقة هيئة الرقابة المالية.
وزير المالية كان أعلن في بداية الإسبوع عن خطة الحكومة لطرح شركات حكومية في القطاع المصرفي وقطاع البترول قبل مارس 2023.
