خبر بفلوس
سجل مؤشر مديري المشتريات 45.4 نقطة في نوفمبر 2022، مقارنةً بـ 47.7 نقطة في أكتوبر من نفس السنة.
أصل الموضوع
دة يعتبر أقل معدل إنتاج للقطاع الخاص غير النفطي تشهده مصر من ساعة الإغلاق اللي حصل بسبب كوفيد 2020، وكمان دة أسرع معدل لانخفاض القطاع دة في سنتين ونص.
ليه دة مهم
الانخفاض في قيمة الجنيه سبب إن حجم طلبات الشركات لمستلزمات الإنتاج يقل بشكل كبير من أواخر شهر أكتوبر 2022، دة بالإضافة للضغوط التضخمية الكبيرة نتيجة ارتفاع أسعار المواد الخام.
ودلوقتي؟
بحسب تقرير مؤسسة S&P Global، اللي بتصدر المؤشر، فانخفاض قيمة العملة المصرية خلى الأسعار توصل لأعلى مستوى ليها في 4 سنين.
لازم تعرف
أقل من 50 نقطة في مؤشر مديري المشتريات معناه انخفاض نشاط القطاع الخاص غير النفطي، وأكتر من 50 نقطة دة معناه إن فيه توسع في القطاع دة.
