خبر بفلوس
شركة مصر القابضة للتأمين وقعت برتوكول تعاون مع صندوق مصر السيادي، علشان يقوم بالترويج لطرح حصة من شركتها “مصر لتأمينات الحياة” في البورصة.
أصل الموضوع
مصر لتأمينات الحياة مخططة لطرح 25% من أسهمها في البورصة، والسيادي المصري هيروج للطرح دة بين المستثمرين في الخارج.
ليه دة مهم
باسل الحيني، رئيس مجلس إدارة مصر للتأمين، قال إنه من الممكن بيع الحصة مباشرة من خلال الطرح الخاص، دون الحاجة لانتظار الطرح العام.
لازم تعرف
على عكس الطرح العام، واللي أسهم الشركة فيه يمكن تداولها بين المستثمرين في العموم، الطرح الخاص بيكون للمستثمرين المعتمدين وصناديق الاستثمار، اللي عندهم رؤوس أموال كبيرة.
ودلوقتي؟
“الحيني” قال إن شركته دايمًا بتتعاون مع كل الجهات الاستثمارية ومنها كان صندوق مصر السيادي.
