خبر بفلوس
ظهرت مصادر بتقول إن شركة باكين بتطالب برفع سعر عرض الاستحواذ عليها من شركة الأصباغ الوطنية من 29 جنيه للسهم ليتجاوز 32 جنيه، ولكن الشركة نفت القيام بكدة في الوقت الحالي.
في الخلفية
شركة الأصباغ الوطنية كانت اتقدمت بعرض للاستحواذ على 100% من أسهم شركة باكين مقابل 29 جنيه للسهم، ودة اللي خلى عروض الاستحواذ الأخرى على باكين تنسحب.
أصل الموضوع
المصادر قالت إن طلب باكين بزيادة قيمة العرض، هو بسبب تحرير سعر الصرف في آخر أكتوبر 2022، بالإضافة لامتلاك الشركة لأصول كبيرة غير مستغلة زي الأرض اللي عندها في محافظة القاهرة.
ليه دة مهم
شركة الأصباغ الوطنية حاليًا بتقوم بعمليات الفحص لشركة باكين ونموذج أعمالها.
ودلوقتي؟
المصادر قالت إن عمليات الفحص هتنتهي خلال 10 أيام، وإن قرار الشركة النهائي من سعر العرض هيكون خلال الشهر الجاري.
