خبر بفلوس
الحكومة المصرية دلوقتي وصلت لمراحل متقدمة في مفاوضات مع السيادي السعودي، السيادي القطري، وجهاز أبوظبي للاستثمار لمناقشة استثمارهم في خطة الحكومة لتحلية مياه البحر.
أصل الموضوع
المصادر بتقول إن الصناديق التلاتة أظهروا رغبة للاستثمار في مشروعات تحلية المياه، وإنه حاليًا بيتم التفاوض على حصة السيادي المصري في المشروعات دي، واللي مش هتتجاوز من 10% – 25% من قيمة المشروعات.
ليه دة مهم
مصر بتواجه حاليًا أزمة في المياه وخصوصًا بسبب سد النهضة الإثيوبي، ودة اللي بيدفعها لبحث كل الحلول المتاحة لتفادي زيادة الأزمة.
ودلوقتي؟
من المتوقع توقيع اتفاقيات الاستثمار خلال النص الأول من 2023، بقيمة إجمالية 3 مليار دولار.
