خبر بفلوس
أعلنت شركة القلعة عن تحولها للربحية خلال الربع الثالث من 2022، وقدرتها على تحقيق 16.7 مليون جنيه، مقابل خساير 440 مليون جنيه خلال نفس الفترة في 2021.
أصل الموضوع
القلعة قالت إن شركتها التابعة “المصرية للتكرير” كانت أكبر مساهم في إيراداتها اللي زادت بنسبة 86% على أساس سنوي.
الشركة كمان أضافت إن كل شركاتها التابعة حققت نمو، ومنها شركة “طاقة عربية” اللي حققت كفاءة أكبر في توزيع المنتجات البترولية، وشركة “مزارع دينا” عن طريق زيادة مبيعاتها من الألبان.
ليه دة مهم
الشركة قالت إنه بالرغم من النتايج الجيدة، إلا إنها خسرت 236 مليون جنيه خلال الفترة بسبب فروق العملة وانخفاض قيمة الجنيه.
ودلوقتي؟
صافي أرباح القلعة لسة هتتأثر خلال الفترة اللي جاية بسبب فروق العملة، وخاصةً خلال الربع الأخير من 2022.
