خبر بفلوس
الجمعية العمومية لشركة عامر جروب وافقت على انقسام الشركة لشركتين، هم “عامر جروب” وشركة “إيه كابيتال القابضة”.
أصل الموضوع
صافي أصول الشركة هتتقسم بين الشركتين بنسبة 68% لشركة عامر جروب، و32% لشركة إيه كابيتال القابضة.
لو انت مساهم في عامر جروب؟
أسهمك في عامر جروب هتتقسم ما بين شركتي عامر جروب، اللي هتفضل مدرجة في البورصة، وإيه كابيتال القابضة اللي هيتم إدراجها، وهتكون مساهم في الشركة الجديدة بنفس نسبة مساهمتك في عامر جروب قبل التقسيم.
ليه دة مهم
الغرض الرئيسي من الانقسام هو إنشاء شركة جديدة تكون متخصصة في النشاط السياحي والفندقي، ودة اللي هيزود من كفاءة الكيان في المجمل.
ودلوقتي؟
هيتم قيد أسهم شركة “إيه كابيتال القابضة” بعد تنفيذ التقسيم على طول، اللي المفروض يتوافق عليه من هيئة الرقابة المالية أولًا.
