خبر بفلوس
بسبب أزمة العملة الصعبة ونقص مستلزمات الإنتاج، توقع عدد من مصنعي الألبان والجبن حدوث زيادة تانية في السعر بنسبة مش هتقل عن 30%.
أصل الموضوع
المصنعين بيطالبوا الحكومة إنهم يفرجوا عن شحنات المواد الخام الموجودة في الموانئ، بالإضافة لتوفير الدولار علشان يستوردوا المواد الأساسية في عملية التصنيع.
ليه دة مهم
شركات الأغذية في البورصة ممكن تتأثر بالظروف دي، وخاصةً إن شركة عبور لاند كانت توقفت عن إنتاج الجبن الأبيض لمدة 3 أيام، بسبب تأخر الإفراج الجمركي عن المواد الخام، دة قبل ما تعلن عن استكمال الإنتاج مرة تانية.
ودلوقتي؟
في صناعة الألبان، بيتم استيراد أكتر من 35% من المواد الخام زي الأعلاف و المواد المساعدة في التصنيع، ولكن بسبب زيادة عدم استقرار سعر الدولار، اضطر المصنعين لزيادة الأسعار.
