خبر بفلوس
في تراجع كبير في سوق الدهب دلوقتي، فمثلًأ الجرام الواحد من الدهب عيار 21 سعر انخفض بقيمة 100 جنيه، وقيمته بقت تتراوح ما بين 1650 جنيه و 1700 جنيه.
أصل الموضوع
السبب الرئيسي وراء الإنخفاض الكبير دي كانت قرارات البنك المركزي بوضع حدود على تصدير الدهب، أهمها كان التزام مصدري الدهب بتحصيل عائداتهم من تصدير الدهب خلال التحويل المصرفي في فترة 10 أيام.
ليه دة مهم
مصدري الدهب عادةً بيحصلوا على عوائدهم خارج النظام المصرفي بالعملة الصعبة، وكمان قبل القرار كانوا مطالبين بتحويل العوائد للنظام المصرفي خلال 6 شهور، فدة كان بيتيح الفرصة لتداول الدولار في السوق السوداء وتحقيق أرباح.
الهدف من قرار المركزي كان ضبط الأسعار في سوق الدهب، وفرض قيود على السوق السوداء للدولار.
ودلوقتي؟
مصدري الدهب اللي مش هيلتزموا بالإجراءات الجديدة هيكونوا في “قائمة الإخفاق”، وهيحظر عليهم العمل في تصدير الدهب.
