خبر بفلوس
مجلس النواب وافق على مشروع متقدم من الحكومة بيقترح تأسيس صندوق مملوك لهيئة قناة السويس.
أصل الموضوع
عن طريق الصندوق الجديد، هيتم بيع وشراء وتأجير أصول ثابتة ومتنقلة مملوكة لهيئة قناة السويس، ودة هيكون بهدف استغلال الأصول دي.
مجلس الشعب وافق كمان على إن راس المال المرخص بيه للصندوق يكون 100 مليار جنيه.
ليه دة مهم
في اعضاء في البرلمان اعترضوا على تأسيس الصندوق دة وقالوا إن موارد قناة السويس تابعة للدولة، ولا يمكن وضعها في صندوق يكون ليه الحق في البيع وطرح الأوراق المالية.
ودلوقتي؟
رئيس هيئة قناة السويس أسامة ربيع، قال إن إنشاء الصندوق مش هيأثر على المبلغ اللي بتشارك بيه القناة في ميزانية الدولة، وإن اللي هيحصل هو استغلال الفائض السنوي اللي بتحققه القناة.
