خبر بفلوس
البنك المركزي أعلن عن أساليب تلاعب غير مشروعة في سوق العملة الصعبة، كان من ضمن نتايجها اضطراب قيمة الجنيه.
أصل الموضوع
من ضمن عمليات التلاعب كان تحويل المصريين في الخارج أموالهم بطرق غير مصرح بيها، بالإضافة لسوء استخدام البطاقات الإئتمانية خارج البلاد.
ليه دة مهم
تحويل العملة الصعبة بطرق غير مصرح بيها بيكون بغرض تحقيق أرباح من السوق السوداء، أما البطاقات الإئتمانية، فبالرغم من وجود العملاء داخل مصر إلا إنه بيتم سحب كميات كبيرة من الدولار عن طريقها في الخارج.
ودلوقتي؟
البنك المركزي قال إنه فقط اللي بيسافروا بغرض التعليم أو العلاج هيقدروا يسحبوا براحتهم من حساباتهم، بشرط إنهم يقدموا للبنك الدليل على كدة.
