خبر بفلوس
سجل مستوى التضخم في المدن المصرية زيادة سنوية بنسبة 21.3% خلال ديسمبر 2022، ودة يعتبر أعلى تضخم يتم تسجيله من 2017.
أصل الموضوع
بعض المحللين بيقولوا إن السبب ورا التضخم العالي دة هو النقص في المعروض من السلع والمنتجات واللي سبب أساسي ليه هو أزمة الاستيراد، دة بالإضافة لاستمرار تراجع قيمة الجنيه قصاد الدولار.
ليه دة مهم
آية زهير، رئيسة البحوث في “زيلا كابيتال” قالت إن التضخم متوقع إنه يرتفع أكتر مع استمرار تراجع العملة، وممكن يوصل لـ 25% خلال الربع الأول من 2023.
ودلوقتي؟
في أحداث جاية الفترة اللي جاية هيكون ليها تأثير كبير على مستوي التضخم زي إعلان الأسعار الجديدة للوقود قبل إنتهاء يناير 2023، بالإضافة لاجتماع تحديد السياسة النقدية القادم في 2 فبراير 2023.
