خبر بفلوس
صندوق النقد الدولي أعلن عن حاجات كتير تخص الاقتصاد المصري، وهنا ملخص لأهم التصريحات:
- صندوق النقد خفض توقعاته لنمو الاقتصاد المصري خلال العام المالي الجاري من 4.4% لـ 4%
- الصندوق كمان قال إن البنك المركزي ملتزم بسعر صرف مرن، ولكنه ممكن يتدخل في أوقات التقلبات
- تم الوصول لاتفاق مع البنك المركزي بخصوص تشديد السياسة النقدية بشكل أكبر للسيطرة على التضخم
- من المتوقع إن مصر تجمع 2.5 مليار دولار من بيع حصص الشركات اللي هتروح لصندوق ما قبل الاكتتاب في نص 2023، ودة اللي هيساعد في تخفيض ديونها
ليه دة مهم
الصندوق أعلن إن القرض اللي مصر أخدته هيتم صرفه على 8 دفعات متساوية بقيمة 347 مليون دولار مرتين كل سنة، وهينتهي صرفه بحلول سبتمبر 2026، دة طبعًا بخلاف الشريحة اللي تم صرفها، يعني كدة فاضل 7 دفعات.
ودلوقتي؟
الصندوق مش بيتوقع السيطرة على التضخم قبل سنتين من دلوقتي، مع إمكانية تراجع التضخم لـ 7% في السنة المالية 2024-2025.
