خبر بفلوس
مستوى تاريخي جديد للجنيه المصري ضد الدولار بعد ما انخفض بأكتر من 16%، علشان يوصل الدولار لأكتر من 32 جنيه.
أصل الموضوع
سماح البنك المركزي بتخفيض الجنيه متماشي مع تصريحات صندوق النقد الدولي بالاتفاق مع مصر على الالتزام بسعر صرف مرن، والتدخل في وقت تقلبات العملة بس.
ليه دة مهم
تراجع الدولار لتسجيل 29.7 جنيه بعد ما كسر الـ 32 جنيه ممكن يكون دليل على تبني سعر صرف مرن، دة لإن التراجع دة ممكن يكون نتيجة بيع كميات من الدولار بعد تخطيه الـ 32 جنيه.
من أهداف تخفيض قيمة العملة هو القضاء على السوق السوداء للدولار عن طريق اقتراب سعر الصرف الرسمي من السعر في السوق السوداء، واللي سجل أكتر من 31 جنيه بفرق بسيط، دة بحسب بلومبرج.
ودلوقتي؟
فيه محللين بيقولوا إن مفيش سعر محدد متوقع لإن العملة بقت متروكة لعوامل السوق، دة في الوقت اللي بنوك استثمار زي جولدمان ساكس متوقعة سعر الصرف من 33-35 جنيه للدولار.
البورصة استجابت بشكل إيجابي لانخفاض قيمة الجنيه، ولقينا المؤشر الرئيسي زاد بأكتر من 4% مع نص الجلسة، قبل ما الجلسة تنتهي على ارتفاع 0.42%.
ودي فرصة للتعرف أكتر على قايمة “حماية ضد إنخفاض قيمة الجنية” الجديدة على ثاندر، اللي فيها 11 شركة بتوفر للمستثمرين فيهم حماية من مخاطر انخفاض الجنيه، للمزيد إضغط هنا.
