خبر بفلوس
مصر عندها فجوة تمويلية بحوالي 6.1 مليار دولار خلال العام المالي 2022/2023، وعلشان تسدها هتلجأ لعدد من المصادر المختلفة.
أصل الموضوع
من أهم مصادر التمويل لسد الفجوة دي:
- 2 مليار دولار هتكون من بيع بعض الأصول المملوكة للدولة
- 1.1 مليار دولار من البنك الدولي
- مليار دولار من بنك التنمية الصيني
- وباقي التمويلات هتكون موزعة ما بين البنك الآسيوي للبنية التحتية، صندوق النقد العربي، وبنك التنمية الإفريقي، ومصادر تمويل أخرى.
ليه دة مهم
على مدار الـ 4 سنين الجاية، متوقع إن مصر يكون عندها احتياجات تمويلية بقيمة 16 مليار دولار، لكن الحكومة قالت إنها هتكون قادرة على تغطية الفجوة دي.
ودلوقتي؟
أحمد كجوك، نائب وزير المالية، قال إن قبل يونيو 2023 مصر هتكون حصلت على التمويلات المتفق عليها من بنك التنمية الأفريقي، البنك الدولي والبنك الآسيوي للبنية التحتية.
