خبر بفلوس
البورصة المصرية واتحاد بنوك مصر اجتمعوا لمناقشة طرق تطوير قطاع البنوك في البورصة، وبشكل خاص قطاع علاقات المستثمرين للبنوك المقيدة.
أصل الموضوع
رئيس البورصة رامي الدكاني، قال إنه بالرغم من الأداء الجيد للقطاع وتحقيقه لأرباح كبيرة، لكن دة لم ينعكس على وجود حجم تداولات كبيرة لأسهم عدد من البنوك المقيدة.
ليه دة مهم
“الدكاني” قال إن من أهم أسباب دة هو إنه مفيش خطة واضحة لأقسام علاقات المستثمرين لبعض البنوك المقيدة، بالإضافة لانخفاض نسبة الأسهم الحرة، القابلة للتداول، في بعض البنوك.
ودلوقتي؟
هيتم إنشاء لجنة فرعية في اتحاد بنوك مصر هتكون مخصصة لمسؤولي علاقات المستثمرين في البنوك المقيدة.
