خبر بفلوس
رئيس لجنة المستوردين بشعبة السيارات، أمير هلالي، قال إن أسعار السيارات ممكن تشهد زيادة جديدة توصل لـ 25% خلال الفترة اللي الجاية.
أصل الموضوع
“هلالي” قال إن السبب الرئيسي للزيادة هو ارتفاع سعر الدولار بشكل كبير، واللي بالتالي هيزود قيمة التعريفة الجمركية.
ليه دة مهم
التعرفة الجمركية هي ضريبة بتفرضها الدولة على السلع اللي بيتم استيرادها من الخارج، وبما إن التعريفة دي بالدولار، شركات السيارات هتضطر تدفع أكتر من الأول لسدادها، وبالتالي زيادة في الأسعار.
ودلوقتي؟
“هلالي” قال إن أهم حاجة دلوقتي هي توفير الدولار في البنوك بشكل أكبر، لإن لحد دلوقتي لسة العملة الصعبة قليلة.
