خبر بفلوس
أكبر مساهمين في شركة باكين معترضين على سعر عرض الاستحواذ الأخير بـ 30 جنيه للسهم على خلفية أسعار الصرف الجديدة، بحسب مصادر مقربة من الشركة.
أصل الموضوع
المصادر قالت إن الشركة معتمدة على التصدير، وعندها استثمارات في ليبيا، ودة اللي بيخليها مستفيدة بشكل كبير من أسعار الصرف الحالية، وارتفاع الدولار.
ليه دة مهم
بشكل عام، مساهمي الشركة شايفين إن القيمة العادلة للشركة تساوي أكتر من 30 جنيه للسهم الواحد، ودة كان نفس اللي قاله مساهمين الشركة تعليقًأ على العروض السابقة.
ودلوقتي؟
بحسب المصادر، فشركة إيجل كيميكالز وشركة الأصباغ الوطنية، أصحاب العروض السابقة، بيفكروا بشكل جدي في رفع أسعار عروضهم لأكتر من 30 جنيه للسهم.
