خبر بفلوس
التزامات مصر لصندوق النقد الدولي كتيرة بعد ما حصلت منه على القرض المطلوب بـ 3 مليار دولار، لكن في التزامات معينة تهم أي مواطن أو مستثمر، وهنا أكتر طلبات الصندوق تأثيرًا:
- العمل على وقف الإعفاءات الضريبية اللي بتتمتع بيها الشركات التابعة للحكومة والجيش
- تسديد الشركات العامة والتابعة للجيش نفس أسعار الكهرباء والمياه المطبقة على القطاع الخاص
- تقديم المسؤولين لإقرارات الذمة المالية كل 3 سنوات إلكترونيًا تمهيدًا لطلبها بشكل سنوي
- ضمان أن أسعار الوقود تعكس الأسعار العالمية، وعدف خفض أسعار الوقود حتى لو اقترحت لجنة تسعير الوقود ذلك
ليه دة مهم
مصر فعلًأ شغالة على التزامتها مع صندوق النقد، وكان من أهم الخطوات اللي أخدتها هو ضم 5 شركات لصندوق ما قبل الطروحات، تمهيدًا لطرح حصص منهم في البورصة.
ودلوقتي؟
صندوق النقد متوقع لمصر إن إيراداتها من الضرايب هتزيد بأكتر من 180% خلال الـ 6 سنين اللي جاية، علشان توصل لـ 2.7 تريليون جنيه.
