خبر بفلوس
بعد ما الحكومة أصدرت بعض الإجراءات الخاصة بضوابط الإعفاءات من ضريبة القيمة المضافة، في 4 مكاسب أساسية الحكومة عايزاها من الإجراءات دي.
المكاسب الأساسية:
- التعديلات الجديدة بتستهدف دعم الإنفاق على القطاع الصناعي، دة بسبب إعفاء الآلات المستخدمة في الإنتاج الصناعي من ضريبة القيمة المضافة، واللي كانت بتخضع قبل كدة لضريبة 5%-14%.
- تعزيز الاستثمارات في المناطق الاقتصادية، دة بسبب الإعفاءات المقررة للشركات في المناطق الحرة.
- تشجيع السائحين على الإنفاق بشكل أكبر، بعد ما هيكون ليهم الحق في المطالبة باسترداد ضريبة القيمة المضافة على المشتريات أكتر من 1500 جنيه بدل ما كانت على المشتريات أكتر من 5000 جنيه قبل كدة.
- تسهيل تسجيل المصريين بالخارج في مصلحة الضرايب، ودة اللي هيقلل عملية التهرب الضريبي.
ودلوقتي؟
من المتوقع إن الحكومة تكشف خلال الفترة المقبلة عن وثيقة للسياسة الضريبية الجديدة اللي هيتم العمل بيها على مدار الـ 5 سنين اللي جاية.
